ഇത് കേട്ട് ചിരിക്കാതിരിക്കാന്‍ 'അരൂപി'ക്ക് കഴിഞ്ഞില്ല , ദയവായി പണിക്കര്‍ ചേട്ടന് ക്ഷമിക്കണം ,
എല്ലാ തിരഞ്ഞെടുപ്പിന് മുന്‍പും ഇതുപോലുള്ള ഭീഷണികള്‍ മുഴക്കാറുള്ളതാണല്ലോ എന്നിട്ട് ഇത് വരെ ആപ്പറഞ്ഞ സമദൂരം ചേട്ടന് കൈവിട്ടില്ലല്ലോ ?, അതുപിന്നെ ഇതൊക്കെ പറയാം എന്നല്ലാതെ പ്രവര്‍ത്തിക്കാന്‍ പറ്റുമോ ,ചേട്ടന് എല്ലാത്തിനും അതിന്റെതായ രീതിയുണ്ട് .
പ്രതി വര്ഷം ഏറ്റവും കൂടുതല്‍ തവണ മന്നം സമാധിയില്‍ പുഷ്പാര്‍ച്ചന ചെയ്ത മുന്നണിയെ നോക്കി ജയിപ്പിക്കണം അത് കഴിഞ്ഞാല്‍ ,പിന്നേം 'സമദൂര' വിടുവായത്തം പറഞ്ഞു പെരുന്നയില്‍ കഴിയാം
ഇടയ്ക്കിടയ്ക്ക് സൗകര്യം പോലെ ഭൂരിപക്ഷം കഷ്ടപ്പെടുന്നു എന്നോ ,സര്‍ക്കാര്‍ ന്യുന പക്ഷ പ്രീണനം നടത്തുന്നു എന്നോ ,ഹിന്ദു ഐക്ക്യം തകര്‍ത്തത് തങ്ങളല്ലന്നും ഒക്കെ തോന്നുമ്പോളൊക്കെ വിളിച്ചു കൂവാം ,ഇടയ്ക്കിടക്ക് നാടിന്റെ പലഭാഗങ്ങളില്‍ സാമുദായികാചാര്യന്റെ പ്രതിമ അനാശ്ചാതനം ചെയ്യാന്‍ പോകാം , യാത്രച്ചിലവും ഭക്ഷണവും കരയോഗക്കാര്‍ തരും ,പിന്നെ ഓരോരോ പാര്‍ട്ടിക്കാരെ പെരുന്നയില്‍ വിളിച്ചു നല്ല തറവാടന്‍ കറികളൊക്കെ കൊടുത്തു സല്ക്കരിക്കാം .പിന്നെയും അറിയപ്പെടാത്ത പല മെച്ചങ്ങളും ഈ 'സമദൂരം ' കാരണം വന്നു ചേരും ഇതൊക്കെ തരുന്ന ഈ സിദ്ധാന്തത്തെ മറന്നു വയസാന്‍ കാലത്ത് റിസ്ക്‌ എടുക്കണോ ?
തുമ്പ് : പെരുന്നയില്‍ നിന്നും തിരുവനന്തപുരത്തെക്കുള്ള ദൂരവും
തിരിച്ചുള്ള ദൂരവും സമമാണോ ?
No comments:
Post a Comment